၂၂-၆-၂၀. သနိဒဿနတ္တိက-ဝိတက္ကတ္တိကာဒိ

၄၉. အနိဒဿနအပ္ပဋိဃံ သဝိတက္ကသဝိစာရံ ဓမ္မံ ပဋိစ္စ နအနိဒဿနအပ္ပဋိဃော နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

အနိဒဿနအပ္ပဋိဃံ အဝိတက္ကဝိစာရမတ္တံ ဓမ္မံ ပဋိစ္စ နအနိဒဿနအပ္ပဋိဃော နအဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ.

အနိဒဿနအပ္ပဋိဃံ အဝိတက္ကအဝိစာရံ ဓမ္မံ ပဋိစ္စ နသနိဒဿနသပ္ပဋိဃော နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.