၁-၃. ကုသလတ္တိက-ဥပါဒိန္နတ္တိကံ

၁၂. အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ နကုသလော နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ နအကုသလော နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ နကုသလော နဥပါဒိန္နုပါဒါနိယော စ နအကုသလော နဥပါဒိန္နုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

၁၃. ကုသလော အနုပါဒိန္နုပါဒါနိယော ဓမ္မော နကုသလဿ နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော. ကုသလော အနုပါဒိန္နုပါဒါနိယော ဓမ္မော နအကုသလဿ နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော. ကုသလော အနုပါဒိန္နုပါဒါနိယော ဓမ္မော နကုသလဿ နအနုပါဒိန္နုပါဒါနိယဿ စ နအကုသလဿ နအနုပါဒိန္နုပါဒါနိယဿ စ ဓမ္မဿ အာရမ္မဏပစ္စယေန ပစ္စယော. တီဏိ.

အကုသလေ တီဏိ. အဗျာကတံ အနုပါဒိန္နုပါဒါနိယေ တီဏိယေဝ။ပေ။.

၁၄. ကုသလံ အနုပါဒိန္နအနုပါဒါနိယံ ဓမ္မံ ပဋိစ္စ နကုသလော နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ အနုပါဒိန္နအနုပါဒါနိယံ ဓမ္မံ ပဋိစ္စ နကုသလော နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. ။ဟေတုယာ ဆ.