၂၂-၉၂. သနိဒဿနတ္တိက-ဥပေက္ခာသဟဂတဒုကံ

၁၃၈. အနိဒဿနအပ္ပဋိဃံ ဥပေက္ခာသဟဂတံ ဓမ္မံ ပဋိစ္စ နအနိဒဿနအပ္ပဋိဃော နဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ ဥပေက္ခာသဟဂတံ ဓမ္မံ ပဋိစ္စ နသနိဒဿနသပ္ပဋိဃော နဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ ဥပေက္ခာသဟဂတံ ဓမ္မံ ပဋိစ္စ နသနိဒဿနသပ္ပဋိဃော နဥပေက္ခာသဟဂတော စ နအနိဒဿနသပ္ပဋိဃော နဥပေက္ခာသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.

အနိဒဿနအပ္ပဋိဃံ နဥပေက္ခာသဟဂတံ ဓမ္မံ ပဋိစ္စ နသနိဒဿနသပ္ပဋိဃော နနဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.