၂၂-၈၉. သနိဒဿနတ္တိက-သပ္ပီတိကဒုကံ

၁၃၅. အနိဒဿနအပ္ပဋိဃံ သပ္ပီတိကံ ဓမ္မံ ပဋိစ္စ နအနိဒဿနအပ္ပဋိဃော နသပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သပ္ပီတိကံ ဓမ္မံ ပဋိစ္စ နသနိဒဿနသပ္ပဋိဃော နသပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ သပ္ပီတိကံ ဓမ္မံ ပဋိစ္စ နသနိဒဿနသပ္ပဋိဃော နသပ္ပီတိကော စ နအနိဒဿနသပ္ပဋိဃော နသပ္ပီတိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.

အနိဒဿနအပ္ပဋိဃံ အပ္ပီတိကံ ဓမ္မံ ပဋိစ္စ နသနိဒဿနသပ္ပဋိဃော နအပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အပ္ပီတိကံ ဓမ္မံ ပဋိစ္စ နအနိဒဿနသပ္ပဋိဃော နအပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အပ္ပီတိကံ ဓမ္မံ ပဋိစ္စ နသနိဒဿနသပ္ပဋိဃော နအပ္ပီတိကော စ နအနိဒဿနသပ္ပဋိဃော နအပ္ပီတိကော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.