၂၂-၈၇. သနိဒဿနတ္တိက-သဝိတက္ကဒုကံ

၁၃၂. အနိဒဿနအပ္ပဋိဃံ သဝိတက္ကံ ဓမ္မံ ပဋိစ္စ နအနိဒဿနအပ္ပဋိဃော နသဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သဝိတက္ကံ ဓမ္မံ ပဋိစ္စ နသနိဒဿနသပ္ပဋိဃော နသဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ သဝိတက္ကံ ဓမ္မံ ပဋိစ္စ နသနိဒဿနသပ္ပဋိဃော နသဝိတက္ကော စ နအနိဒဿနသပ္ပဋိဃော နသဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.

၁၃၃. အနိဒဿနအပ္ပဋိဃံ အဝိတက္ကံ ဓမ္မံ ပဋိစ္စ နသနိဒဿနသပ္ပဋိဃော နအဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အဝိတက္ကံ ဓမ္မံ ပဋိစ္စ နအနိဒဿနသပ္ပဋိဃော နအဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အဝိတက္ကံ ဓမ္မံ ပဋိစ္စ နသနိဒဿနသပ္ပဋိဃော နအဝိတက္ကော စ နအနိဒဿနသပ္ပဋိဃော နအဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.