၂၂-၅၉. သနိဒဿနတ္တိက-စိတ္တသံသဋ္ဌဒုကံ

၁၁၅. အနိဒဿနအပ္ပဋိဃံ စိတ္တသံသဋ္ဌံ ဓမ္မံ ပဋိစ္စ နအနိဒဿနအပ္ပဋိဃော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ စိတ္တသံသဋ္ဌံ ဓမ္မံ ပဋိစ္စ နသနိဒဿနသပ္ပဋိဃော နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ စိတ္တသံသဋ္ဌံ ဓမ္မံ ပဋိစ္စ နသနိဒဿနသပ္ပဋိဃော နစိတ္တသံသဋ္ဌော စ နအနိဒဿနသပ္ပဋိဃော နစိတ္တသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.