၂၂-၅၇. သနိဒဿနတ္တိက-စေတသိကဒုကံ

၁၁၃. အနိဒဿနအပ္ပဋိဃံ စေတသိကံ ဓမ္မံ ပဋိစ္စ နအနိဒဿနအပ္ပဋိဃော နစေတသိကော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ စေတသိကံ ဓမ္မံ ပဋိစ္စ နသနိဒဿနသပ္ပဋိဃော နစေတသိကော ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ စေတသိကံ ဓမ္မံ ပဋိစ္စ နသနိဒဿနသပ္ပဋိဃော နစေတသိကော စ နအနိဒဿနသပ္ပဋိဃော နစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.