၂၂-၅၅. သနိဒဿနတ္တိက-သာရမ္မဏဒုကံ

၁၁၁. အနိဒဿနအပ္ပဋိဃံ သာရမ္မဏံ ဓမ္မံ ပဋိစ္စ နအနိဒဿနအပ္ပဋိဃော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သာရမ္မဏံ ဓမ္မံ ပဋိစ္စ နသနိဒဿနသပ္ပဋိဃော နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ သာရမ္မဏံ ဓမ္မံ ပဋိစ္စ နသနိဒဿနသပ္ပဋိဃော နသာရမ္မဏော စ နအနိဒဿနသပ္ပဋိဃော နသာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ.

အနိဒဿနအပ္ပဋိဃံ အနာရမ္မဏံ ဓမ္မံ ပဋိစ္စ နသနိဒဿနသပ္ပဋိဃော နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.