၂၂-၁၇. သနိဒဿနတ္တိက-အာသဝသာသဝဒုကံ

၁၀၄. အနိဒဿနအပ္ပဋိဃံ အာသဝဉ္စေဝ သာသဝဉ္စ ဓမ္မံ ပဋိစ္စ နအနိဒဿနအပ္ပဋိဃော နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အာသဝဉ္စေဝ သာသဝဉ္စ ဓမ္မံ ပဋိစ္စ နသနိဒဿနသပ္ပဋိဃော နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ပေ။ အနိဒဿနအပ္ပဋိဃံ အာသဝဉ္စေဝ သာသဝဉ္စ ဓမ္မံ ပဋိစ္စ နသနိဒဿနသပ္ပဋိဃော နအာသဝေါ စေဝ နအနာသဝေါ စ နအနိဒဿနသပ္ပဋိဃော နအာသဝေါ စေဝ နအနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.

အနိဒဿနအပ္ပဋိဃံ သာသဝဉ္စေဝ နော စ အာသဝံ ဓမ္မံ ပဋိစ္စ နသနိဒဿနသပ္ပဋိဃော နအနာသဝေါ စေဝ နနောအာသဝေါ စ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သာသဝဉ္စေဝ နော စ အာသဝံ ဓမ္မံ ပဋိစ္စ နအနိဒဿနသပ္ပဋိဃော နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနသပ္ပဋိဃံ သာသဝဉ္စေဝ နော စ အာသဝံ ဓမ္မံ ပဋိစ္စ နသနိဒဿနသပ္ပဋိဃော နအနာသဝေါ စေဝ နနော စ အာသဝေါ နအနိဒဿနသပ္ပဋိဃော နအနာသဝေါ စေဝ နနော အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.