၂၂-၁၅. သနိဒဿနတ္တိက-သာသဝဒုကံ

၁၀၂. အနိဒဿနအပ္ပဋိဃံ သာသဝံ ဓမ္မံ ပစ္စယာ နသနိဒဿနသပ္ပဋိဃော နသာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သာသဝံ ဓမ္မံ ပစ္စယာ နအနိဒဿနသပ္ပဋိဃော နသာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ သာသဝံ ဓမ္မံ ပစ္စယာ နသနိဒဿနသပ္ပဋိဃော နသာသဝေါ စ နအနိဒဿနသပ္ပဋိဃော နသာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ တီဏိ.

အနိဒဿနအပ္ပဋိဃံ အနာသဝံ ဓမ္မံ ပဋိစ္စ နအနိဒဿနအပ္ပဋိဃော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ. အနိဒဿနအပ္ပဋိဃံ အနာသဝံ ဓမ္မံ ပဋိစ္စ နသနိဒဿနသပ္ပဋိဃော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ပေ။. အနိဒဿနအပ္ပဋိဃံ အနာသဝံ ဓမ္မံ ပဋိစ္စ နသနိဒဿနသပ္ပဋိဃော နအနာသဝေါ စ နအနိဒဿနသပ္ပဋိဃော နအနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ ဆ.