၁၀၀-၁၉. သရဏဒုက-အတီတာရမ္မဏတ္တိကံ

၁၀၀. သရဏံ အတီတာရမ္မဏံ ဓမ္မံ ပဋိစ္စ နသရဏော နအတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အရဏံ အတီတာရမ္မဏံ ဓမ္မံ ပဋိစ္စ နသရဏော နအတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

သရဏံ အနာဂတာရမ္မဏံ ဓမ္မံ ပဋိစ္စ နသရဏော နအနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အရဏံ အနာဂတာရမ္မဏံ ဓမ္မံ ပဋိစ္စ နသရဏော နအနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

သရဏံ ပစ္စုပ္ပန္နာရမ္မဏံ ဓမ္မံ ပဋိစ္စ နသရဏော နပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. အရဏံ ပစ္စုပ္ပန္နာရမ္မဏံ ဓမ္မံ ပဋိစ္စ နသရဏော နပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.