၉၂-၁. ဥပေက္ခာသဟဂတဒုက-ကုသလတ္တိကံ

၇၁. ဥပေက္ခာသဟဂတံ ကုသလံ ဓမ္မံ ပဋိစ္စ နဥပေက္ခာသဟဂတော နကုသလော ဓမ္မော ဥပ္ပဇ္ဇတိ ဟေတုပစ္စယာ. နဥပေက္ခာသဟဂတံ ကုသလံ ဓမ္မံ ပဋိစ္စ နဥပေက္ခာသဟဂတော နကုသလော ဓမ္မော ဥပ္ပဇ္ဇတိ ဟေတုပစ္စယာ. ဥပေက္ခာသဟဂတံ ကုသလဉ္စ နဥပေက္ခာသဟဂတံ ကုသလဉ္စ ဓမ္မံ ပဋိစ္စ နဥပေက္ခာသဟဂတော နကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ.

ဥပေက္ခာသဟဂတံ အကုသလံ ဓမ္မံ ပဋိစ္စ နဥပေက္ခာသဟဂတော နအကုသလော ဓမ္မော ဥပ္ပဇ္ဇတိ ဟေတုပစ္စယာ. နဥပေက္ခာသဟဂတံ အကုသလံ ဓမ္မံ ပဋိစ္စ နဥပေက္ခာသဟဂတော နအကုသလော ဓမ္မော ဥပ္ပဇ္ဇတိ ဟေတုပစ္စယာ. ဥပေက္ခာသဟဂတံ အကုသလဉ္စ နဥပေက္ခာသဟဂတံ အကုသလဉ္စ ဓမ္မံ ပဋိစ္စ နဥပေက္ခာသဟဂတော နအကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ. (အဗျာကတမူလံ တီဏိယေဝ.)