၈၃-၁. ဒဿနေနပဟာတဗ္ဗဒုက-ကုသလတ္တိကံ

၆၂. နဒဿနေန ပဟာတဗ္ဗံ ကုသလံ ဓမ္မံ ပဋိစ္စ နဒဿနေန ပဟာတဗ္ဗော နကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

ဒဿနေန ပဟာတဗ္ဗံ အကုသလံ ဓမ္မံ ပဋိစ္စ နဒဿနေန ပဟာတဗ္ဗော နအကုသလော ဓမ္မော ဥပ္ပဇ္ဇတိ ဟေတုပစ္စယာ. နဒဿနေန ပဟာတဗ္ဗံ အကုသလံ ဓမ္မံ ပဋိစ္စ နဒဿနေန ပဟာတဗ္ဗော နအကုသလော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဒွေ.

နဒဿနေန ပဟာတဗ္ဗံ အဗျာကတံ ဓမ္မံ ပစ္စယာ နနဒဿနေန ပဟာတဗ္ဗော နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒွေ.