၅၀-၁. ပရာမာသဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁. နောပရာမာသံ ကုသလံ ဓမ္မံ ပဋိစ္စ နောပရာမာသော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၃. ပရာမာသံ အကုသလံ ဓမ္မံ ပဋိစ္စ နောပရာမာသော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
နောပရာမာသံ အကုသလံ ဓမ္မံ ပဋိစ္စ နောပရာမာသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ပရာမာသံ အကုသလဉ္စ နောပရာမာသံ အကုသလဉ္စ ဓမ္မံ ပဋိစ္စ နောပရာမာသော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၄. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).
နဟေတုယာ ဧကံ၊ နအဓိပတိယာ ပဉ္စ၊ နပုရေဇာတေ ပဉ္စ၊ နပစ္ဆာဇာတေ ပဉ္စ။ပေ။ (သံခိတ္တံ). (သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)
၅. နောပရာမာသော အကုသလော ဓမ္မော နောပရာမာသဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ).
၆. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ။ အဝိဂတေ ပဉ္စ (သံခိတ္တံ).
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)
၇. နောပရာမာသံ အဗျာကတံ ဓမ္မံ ပဋိစ္စ နောပရာမာသော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၈. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၅၁-၁. ပရာမဋ္ဌဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၉. ပရာမဋ္ဌံ ကုသလံ ဓမ္မံ ပဋိစ္စ ပရာမဋ္ဌော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
အပရာမဋ္ဌံ ကုသလံ ဓမ္မံ ပဋိစ္စ အပရာမဋ္ဌော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၁၀. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ).
(သဟဇာတဝါရောပိ ။ပေ။ ပဉှာဝါရောပိ ဝိတ္ထာရေတဗ္ဗာ.)
၁၁. ပရာမဋ္ဌံ အကုသလံ ဓမ္မံ ပဋိစ္စ ပရာမဋ္ဌော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၂. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၁၃. ပရာမဋ္ဌံ အဗျာကတံ ဓမ္မံ ပဋိစ္စ ပရာမဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)
အပရာမဋ္ဌံ အဗျာကတံ ဓမ္မံ ပဋိစ္စ အပရာမဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ပရာမဋ္ဌံ အဗျာကတဉ္စ အပရာမဋ္ဌံ အဗျာကတဉ္စ ဓမ္မံ ပဋိစ္စ ပရာမဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၁၄. ဟေတုယာ ပဉ္စ၊ အာရမ္မဏေ ဒွေ။ပေ။ အာသေဝနေ ဧကံ။ပေ။ အဝိဂတေ ပဉ္စ (သံခိတ္တံ). (သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)
၅၂-၁. ပရာမာသသမ္ပယုတ္တဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၅. ပရာမာသဝိပ္ပယုတ္တံ ကုသလံ ဓမ္မံ ပဋိစ္စ ပရာမာသဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၆. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ ။ပေ။ ပဉှာဝါရေပိ သဗ္ဗတ္ထ ဧကံ.)
၁၇. ပရာမာသသမ္ပယုတ္တံ အကုသလံ ဓမ္မံ ပဋိစ္စ ပရာမာသသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
ပရာမာသဝိပ္ပယုတ္တံ အကုသလံ ဓမ္မံ ပဋိစ္စ ပရာမာသဝိပ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၁၈. ဟေတုယာ ဒွေ၊ အာရမ္မဏေ ဒွေ (သဗ္ဗတ္ထ ဒွေ)။ပေ။ အဝိဂတေ ဒွေ (သံခိတ္တံ).
နဟေတုယာ ဧကံ၊ နအဓိပတိယာ ဒွေ (သဗ္ဗတ္ထ ဒွေ)။ပေ။ နဝိပ္ပယုတ္တေ ဒွေ (သံခိတ္တံ). (သဟဇာတဝါရောပိ။ပေ။ သမ္ပယုတ္တဝါရောပိ ဝိတ္ထာရေတဗ္ဗာ.)
၁၉. ပရာမာသသမ္ပယုတ္တော အကုသလော ဓမ္မော ပရာမာသသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော. (၁)
ပရာမာသဝိပ္ပယုတ္တော အကုသလော ဓမ္မော ပရာမာသဝိပ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)
၂၀. ဟေတုယာ ဒွေ၊ အာရမ္မဏေ စတ္တာရိ၊ အဓိပတိယာ စတ္တာရိ (မဇ္ဈိမေ စ အန္တေ စ အာရမ္မဏာဓိပတိ)၊ အနန္တရေ ဒွေ။ပေ။ သဟဇာတေ ဒွေ။ပေ။ ဥပနိဿယေ စတ္တာရိ၊ အာသေဝနေ ဒွေ၊ ကမ္မေ ဒွေ၊ အာဟာရေ ဒွေ။ပေ။ မဂ္ဂေ ဒွေ။ပေ။ အဝိဂတေ ဒွေ (သံခိတ္တံ).
၂၁. ပရာမာသဝိပ္ပယုတ္တံ အဗျာကတံ ဓမ္မံ ပဋိစ္စ ပရာမာသဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂၂. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၅၃-၁. ပရာမာသပရာမဋ္ဌဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၂၃. ပရာမဋ္ဌဉ္စေဝ နော စ ပရာမာသံ ကုသလံ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂၄. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၂၅. ပရာမာသဉ္စေဝ ပရာမဋ္ဌဉ္စ အကုသလံ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဧကံ.
ပရာမဋ္ဌဉ္စေဝ နော စ ပရာမာသံ အကုသလံ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ပရာမာသဉ္စေဝ ပရာမဋ္ဌံ အကုသလဉ္စ ပရာမဋ္ဌဉ္စေဝ နော စ ပရာမာသံ အကုသလဉ္စ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဧကံ (သံခိတ္တံ).
၂၆. ဟေတုယာ ပဉ္စ၊ အာရမ္မဏေ ပဉ္စ။ပေ။ အဝိဂတေ ပဉ္စ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ.)
၂၇. ပရာမဋ္ဌော စေဝ နော စ ပရာမာသော အကုသလော ဓမ္မော ပရာမဋ္ဌဿ စေဝ နော စ ပရာမာသဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ).
၂၈. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ။ အဝိဂတေ ပဉ္စ (သံခိတ္တံ).
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)
၂၉. ပရာမဋ္ဌဉ္စေဝ နော စ ပရာမာသံ အဗျာကတံ ဓမ္မံ ပဋိစ္စ ပရာမဋ္ဌော စေဝ နော စ ပရာမာသော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၃၀. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ). (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၅၄-၁. ပရာမာသဝိပ္ပယုတ္တပရာမဋ္ဌဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၁. ပရာမာသဝိပ္ပယုတ္တံ ပရာမဋ္ဌံ ကုသလံ ဓမ္မံ ပဋိစ္စ ပရာမာသဝိပ္ပယုတ္တော ပရာမဋ္ဌော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
ပရာမာသဝိပ္ပယုတ္တံ အပရာမဋ္ဌံ ကုသလံ ဓမ္မံ ပဋိစ္စ ပရာမာသဝိပ္ပယုတ္တော အပရာမဋ္ဌော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၃၂. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. လောကိယလောကုတ္တရဒုကသဒိသံ. သဟဇာတဝါရောပိ။ပေ။ ပဉှာဝါရောပိ ဝိတ္ထာရေတဗ္ဗာ.)
၃၃. ပရာမာသဝိပ္ပယုတ္တံ ပရာမဋ္ဌံ အကုသလံ ဓမ္မံ ပဋိစ္စ ပရာမာသဝိပ္ပယုတ္တော ပရာမဋ္ဌော အကုသလော ဓမ္မော ဥပ္ပဇ္ဇတိ ဟေတုပစ္စယာ (သဗ္ဗတ္ထ ဧကံ).
၃၄. ပရာမာသဝိပ္ပယုတ္တံ ပရာမဋ္ဌံ အဗျာကတံ ဓမ္မံ ပဋိစ္စ ပရာမာသဝိပ္ပယုတ္တော ပရာမဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁)
ပရာမာသဝိပ္ပယုတ္တံ အပရာမဋ္ဌံ အဗျာကတံ ဓမ္မံ ပဋိစ္စ ပရာမာသဝိပ္ပယုတ္တော အပရာမဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ပရာမာသဝိပ္ပယုတ္တံ ပရာမဋ္ဌံ အဗျာကတဉ္စ ပရာမာသဝိပ္ပယုတ္တံ အပရာမဋ္ဌံ အဗျာကတဉ္စ ဓမ္မံ ပဋိစ္စ ပရာမာသဝိပ္ပယုတ္တော ပရာမဋ္ဌော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၃၅. ဟေတုယာ ပဉ္စ၊ အာရမ္မဏေ ဒွေ။ပေ။ အဝိဂတေ ပဉ္စ (သံခိတ္တံ. လောကိယဒုကသဒိသံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)
ပရာမာသဂေါစ္ဆကကုသလတ္တိကံ နိဋ္ဌိတံ.