၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၃. နီဝရဏိယဉ္စေဝ နော စ နီဝရဏံ ကုသလံ ဓမ္မံ ပဋိစ္စ နီဝရဏိယော စေဝ နော စ နီဝရဏော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၂၄. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)

၂၅. နီဝရဏဉ္စေဝ နီဝရဏိယဉ္စ အကုသလံ ဓမ္မံ ပဋိစ္စ နီဝရဏော စေဝ နီဝရဏိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နီဝရဏိယဉ္စေဝ နော စ နီဝရဏံ အကုသလံ ဓမ္မံ ပဋိစ္စ နီဝရဏိယော စေဝ နော စ နီဝရဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နီဝရဏဉ္စေဝ နီဝရဏိယံ အကုသလဉ္စ နီဝရဏိယဉ္စေဝ နော စ နီဝရဏံ အကုသလဉ္စ ဓမ္မံ ပဋိစ္စ နီဝရဏော စ နီဝရဏိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၂၆. ဟေတုယာ နဝ၊ အာရမ္မဏေ နဝ။ပေ။ အဝိဂတေ နဝ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ နဝ.)

၂၇. နီဝရဏိယဉ္စေဝ နော စ နီဝရဏံ အဗျာကတံ ဓမ္မံ ပဋိစ္စ နီဝရဏိယော စေဝ နော စ နီဝရဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၂၈. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)