၇. ပဉှာဝါရော
ဟေတုပစ္စယော
၁၂. သာသဝေါ ကုသလော ဓမ္မော သာသဝဿ ကုသလဿ ဓမ္မဿ ဟေတုပစ္စယေန ပစ္စယော. (၁)
အနာသဝေါ ကုသလော ဓမ္မော အနာသဝဿ ကုသလဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)
၁၃. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ။ပေ။ နိဿယေ ဒွေ၊ ဥပနိဿယေ စတ္တာရိ၊ အာသေဝနေ ဒွေ။ပေ။ အဝိဂတေ ဒွေ (သံခိတ္တံ).
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)