၃. အဗျာကတပဒံ

ဟေတုပစ္စယော

၂၆. အာသဝဝိပ္ပယုတ္တံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၂၇. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

နဟေတုယာ ဧကံ၊ နအာရမ္မဏေ ဧကံ၊ နအဓိပတိယာ ဧကံ။ပေ။ နောဝိဂတေ ဧကံ (သံခိတ္တံ. သဟဇာတဝါရေပိ။ပေ။ သမ္ပယုတ္တဝါရေပိ သဗ္ဗတ္ထ ဧကံ).

၂၈. အာသဝဝိပ္ပယုတ္တော အဗျာကတော ဓမ္မော အာသဝဝိပ္ပယုတ္တဿ အဗျာကတဿ ဓမ္မဿ ဟေတုပစ္စယေန ပစ္စယော (သံခိတ္တံ).

၂၉. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)

အာသဝသမ္ပယုတ္တဒုကကုသလတ္တိကံ နိဋ္ဌိတံ.