၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၃၉. ဟေတုသမ္ပယုတ္တံ အဗျာကတံ ဓမ္မံ ပဋိစ္စ ဟေတုသမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုဝိပ္ပယုတ္တံ အဗျာကတံ ဓမ္မံ ပဋိစ္စ ဟေတုဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုသမ္ပယုတ္တံ အဗျာကတဉ္စ ဟေတုဝိပ္ပယုတ္တံ အဗျာကတဉ္စ ဓမ္မံ ပဋိစ္စ ဟေတုသမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄၀. ဟေတုယာ နဝ၊ အာရမ္မဏေ စတ္တာရိ၊ အဓိပတိယာ ပဉ္စ၊ အနန္တရေ စတ္တာရိ၊ သမနန္တရေ စတ္တာရိ၊ သဟဇာတေ နဝ၊ အညမညေ ဆ။ပေ။ ပုရေဇာတေ ဒွေ၊ အာသေဝနေ ဒွေ၊ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).

နဟေတု-နအာရမ္မဏပစ္စယာ

၄၁. ဟေတုဝိပ္ပယုတ္တံ အဗျာကတံ ဓမ္မံ ပဋိစ္စ ဟေတုဝိပ္ပယုတ္တော အဗျာကတော ဓမ္မော ဥပ္ပဇ္ဇတိ နဟေတုပစ္စယာ. (၁)

ဟေတုသမ္ပယုတ္တံ အဗျာကတံ ဓမ္မံ ပဋိစ္စ ဟေတုဝိပ္ပယုတ္တော အဗျာကတော ဓမ္မော ဥပ္ပဇ္ဇတိ နအာရမ္မဏပစ္စယာ (သံခိတ္တံ).

၄၂. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)