၇. ပဉှာဝါရော

ပစ္စယစတုက္ကံ

ဟေတု-အာရမ္မဏပစ္စယာ

၃၅. ဟေတုသမ္ပယုတ္တော အကုသလော ဓမ္မော ဟေတုသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော။ ဒွေ.

ဟေတုသမ္ပယုတ္တော အကုသလော ဓမ္မော ဟေတုသမ္ပယုတ္တဿ အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတုဝိပ္ပယုတ္တော အကုသလော ဓမ္မော ဟေတုဝိပ္ပယုတ္တဿ အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတုသမ္ပယုတ္တော အကုသလော စ ဟေတုဝိပ္ပယုတ္တော အကုသလော စ ဓမ္မာ ဟေတုသမ္ပယုတ္တဿ အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၃၆. ဟေတုယာ ဒွေ၊ အာရမ္မဏေ နဝ၊ အဓိပတိယာ ဧကံ၊ အနန္တရေ နဝ၊ သမနန္တရေ နဝ၊ သဟဇာတေ ပဉ္စ၊ အညမညေ ပဉ္စ၊ နိဿယေ ပဉ္စ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ပဉ္စ၊ အတ္ထိယာ ပဉ္စ။ပေ။ အဝိဂတေ ပဉ္စ (သံခိတ္တံ).

ပစ္စနီယုဒ္ဓါရော

၃၇. ဟေတုသမ္ပယုတ္တော အကုသလော ဓမ္မော ဟေတုသမ္ပယုတ္တဿ အကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၃၈. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ ဒွေ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)