၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၅. ဟေတုသမ္ပယုတ္တံ ကုသလံ ဓမ္မံ ပဋိစ္စ ဟေတုသမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၂၆. ဟေတုယာ ဧကံ၊ အာရမ္မဏေ ဧကံ၊ အဓိပတိယာ ဧကံ။ပေ။ အဝိဂတေ ဧကံ (သံခိတ္တံ).
ပစ္စနီယံ
၂၇. နအဓိပတိယာ ဧကံ၊ နပုရေဇာတေ ဧကံ၊ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နဝိပ္ပယုတ္တေ ဧကံ (သံခိတ္တံ).
ဟေတုပစ္စယာ နအဓိပတိယာ ဧကံ (သံခိတ္တံ).
နအဓိပတိပစ္စယာ ဟေတုယာ ဧကံ (သံခိတ္တံ).
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)