၁-၇. ပဋိစ္စဝါရာဒိ

၁၂. ကုသလံ သဝိတက္ကံ ဓမ္မံ ပဋိစ္စ ကုသလော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ သဝိတက္ကံ ဓမ္မံ ပဋိစ္စ အကုသလော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ သဝိတက္ကံ ဓမ္မံ ပဋိစ္စ အဗျာကတော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၁၃. ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ (သံခိတ္တံ. သဟဇာတဝါရမ္ပိ ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၁၄. ကုသလော သဝိတက္ကော ဓမ္မော ကုသလဿ သဝိတက္ကဿ ဓမ္မဿ ဟေတုပစ္စယေန ပစ္စယော. (၁)

အကုသလော သဝိတက္ကော ဓမ္မော အကုသလဿ သဝိတက္ကဿ ဓမ္မဿ ဟေတုပစ္စယေန ပစ္စယော. (၁)

အဗျာကတော သဝိတက္ကော ဓမ္မော အဗျာကတဿ သဝိတက္ကဿ ဓမ္မဿ ဟေတုပစ္စယေန ပစ္စယော. (၁)

ကုသလော သဝိတက္ကော ဓမ္မော ကုသလဿ သဝိတက္ကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အကုသလော သဝိတက္ကော ဓမ္မော အကုသလဿ သဝိတက္ကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဗျာကတော သဝိတက္ကော ဓမ္မော အဗျာကတဿ သဝိတက္ကဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၁၅. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ။ပေ။ အဝိဂတေ တီဏိ. (သံခိတ္တံ.)

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

၁၆. ကုသလံ အဝိတက္ကံ ဓမ္မံ ပဋိစ္စ ကုသလော အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ သတ္တ၊ အာရမ္မဏေ ဒွေ။ပေ။ ဝိပါကေ ဧကံ၊ အဝိဂတေ သတ္တ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၁၇. ကုသလော အဝိတက္ကော ဓမ္မော ကုသလဿ အဝိတက္ကဿ ဓမ္မဿ ဟေတုပစ္စယေန ပစ္စယော။ တီဏိ.

အဗျာကတော အဝိတက္ကော ဓမ္မော အဗျာကတဿ အဝိတက္ကဿ ဓမ္မဿ ဟေတုပစ္စယေန ပစ္စယော. (၁) (သံခိတ္တံ.)

၁၈. ဟေတုယာ စတ္တာရိ၊ အာရမ္မဏေ နဝ။ပေ။ အဝိဂတေ ဒသ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).