၁-၇. ပဋိစ္စဝါရာဒိ
ပစ္စယစတုက္ကံ
၁၀. အကုသလံ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ အကုသလော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၁၁. ကုသလံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ကုသလော နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ.
ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ ဝိတ္ထာရေတဗ္ဗံ.)