၁-၇. ပဋိစ္စဝါရာဒိ
ဟေတုပစ္စယော
၆. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ အကုသလော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၇. ကုသလံ နဘာဝနာယ ပဟာတဗ္ဗံ ဓမ္မံ ပဋိစ္စ ကုသလော နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ. (သံခိတ္တံ.) (သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ.)