၁-၇. ပဋိစ္စဝါရာဒိ

၅၁. ကုသလံ နိယတံ ဓမ္မံ ပဋိစ္စ ကုသလော နိယတော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ နိယတံ ဓမ္မံ ပဋိစ္စ အကုသလော နိယတော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ.) (သဟဇာတဝါရမ္ပိ။ပေ။ ပဉှာဝါရမ္ပိ ဧဝံ ဝိတ္ထာရေတဗ္ဗံ).

၅၂. ကုသလံ အနိယတံ ဓမ္မံ ပဋိစ္စ ကုသလော အနိယတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ.) (သဟဇာတဝါရမ္ပိ။ပေ။ ပဉှာဝါရမ္ပိ ဧဝံ ဝိတ္ထာရေတဗ္ဗံ).