၁-၇. ပဋိစ္စဝါရာဒိ

၄၈. ကုသလံ နိယျာနိကံ ဓမ္မံ ပဋိစ္စ ကုသလော နိယျာနိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).

၄၉. ကုသလံ အနိယျာနိကံ ဓမ္မံ ပဋိစ္စ ကုသလော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အကုသလံ အနိယျာနိကံ ဓမ္မံ ပဋိစ္စ အကုသလော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ အနိယျာနိကံ ဓမ္မံ ပဋိစ္စ အဗျာကတော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ အနိယျာနိကဉ္စ အဗျာကတံ အနိယျာနိကဉ္စ ဓမ္မံ ပဋိစ္စ အဗျာကတော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ အနိယျာနိကဉ္စ အဗျာကတံ အနိယျာနိကဉ္စ ဓမ္မံ ပဋိစ္စ အဗျာကတော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၅၀. ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ. သဟဇာတဝါရမ္ပိ။ပေ။ ပဉှာဝါရမ္ပိ ဝိတ္ထာရေတဗ္ဗံ).