အပ္ပီတိကပဒံ

ဟေတုပစ္စယော

၂၄. ကုသလံ အပ္ပီတိကံ ဓမ္မံ ပဋိစ္စ ကုသလော အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အကုသလံ အပ္ပီတိကံ ဓမ္မံ ပဋိစ္စ အကုသလော အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ အပ္ပီတိကံ ဓမ္မံ ပဋိစ္စ အဗျာကတော အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. (၁)

ကုသလံ အပ္ပီတိကဉ္စ အဗျာကတံ အပ္ပီတိကဉ္စ ဓမ္မံ ပဋိစ္စ အဗျာကတော အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ အပ္ပီတိကဉ္စ အဗျာကတံ အပ္ပီတိကဉ္စ ဓမ္မံ ပဋိစ္စ အဗျာကတော အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၂၅. ဟေတုယာ နဝ၊ အာရမ္မဏေ တီဏိ။ပေ။ အဝိဂတေ နဝ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၂၆. ကုသလော အပ္ပီတိကော ဓမ္မော ကုသလဿ အပ္ပီတိကဿ ဓမ္မဿ ဟေတုပစ္စယေန ပစ္စယော (သံခိတ္တံ).

ဟေတုယာ သတ္တ၊ အာရမ္မဏေ နဝ။ပေ။ အဝိဂတေ တေရသ (သံခိတ္တံ. ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ).