၁. ဝိဘင်္ဂဝါရော

ဟေတုပစ္စယော

၁. ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. (၁)

ဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ. (၂)

ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော စ နဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ။ပေ။ ဒွေ ခန္ဓေ။ပေ။. (၃)

နဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – နဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။. (၁)

ဒဿနေန ပဟာတဗ္ဗဉ္စ နဒဿနေန ပဟာတဗ္ဗဉ္စ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ). (၁)