၁. ဝိဘင်္ဂဝါရော

ဟေတုပစ္စယော

၈၆. ကိလေသော စေဝ သံကိလိဋ္ဌော စ ဓမ္မော ကိလေသဿ စေဝ သံကိလိဋ္ဌဿ စ ဓမ္မဿ ဟေတုပစ္စယေန ပစ္စယော – ကိလေသာ စေဝ သံကိလိဋ္ဌာ စ ဟေတူ သမ္ပယုတ္တကာနံ ကိလေသာနံ ဟေတုပစ္စယေန ပစ္စယော. (၁)

ကိလေသော စေဝ သံကိလိဋ္ဌော စ ဓမ္မော သံကိလိဋ္ဌဿ စေဝ နော စ ကိလေသဿ ဓမ္မဿ ဟေတုပစ္စယေန ပစ္စယော – ကိလေသာ စေဝ သံကိလိဋ္ဌာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော.

ကိလေသော စေဝ သံကိလိဋ္ဌော စ ဓမ္မော ကိလေသဿ စေဝ သံကိလိဋ္ဌဿ စ သံကိလိဋ္ဌဿ စေဝ နော စ ကိလေသဿ စ ဓမ္မဿ ဟေတုပစ္စယေန ပစ္စယော – ကိလေသာ စေဝ သံကိလိဋ္ဌာ စ ဟေတူ သမ္ပယုတ္တကာနံ ခန္ဓာနံ ကိလေသာနဉ္စ ဟေတုပစ္စယေန ပစ္စယော. (၃)

အာရမ္မဏပစ္စယော

၈၇. ကိလေသော စေဝ သံကိလိဋ္ဌော စ ဓမ္မော ကိလေသဿ စေဝ သံကိလိဋ္ဌဿ စ ဓမ္မဿ အာရမ္မဏပစ္စယေန ပစ္စယော – ကိလေသေ အာရဗ္ဘ ကိလေသာ ဥပ္ပဇ္ဇန္တိ. (မူလံ ကာတဗ္ဗံ.) ကိလေသေ အာရဗ္ဘ သံကိလိဋ္ဌာ စေဝ နော စ ကိလေသာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) ကိလေသေ အာရဗ္ဘ ကိလေသာ စ သမ္ပယုတ္တကာ ခန္ဓာ စ ဥပ္ပဇ္ဇန္တိ. (၃)

၈၈. သံကိလိဋ္ဌော စေဝ နော စ ကိလေသော ဓမ္မော သံကိလိဋ္ဌဿ စေဝ နော စ ကိလေသဿ ဓမ္မဿ အာရမ္မဏပစ္စယေန ပစ္စယော – သံကိလိဋ္ဌေ စေဝ နော စ ကိလေသေ ခန္ဓေ အာရဗ္ဘ သံကိလိဋ္ဌာ စေဝ နော စ ကိလေသာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) သံကိလိဋ္ဌေ စေဝ နော စ ကိလေသေ ခန္ဓေ အာရဗ္ဘ ကိလေသာ ဥပ္ပဇ္ဇန္တိ. (မူလံ ကာတဗ္ဗံ.) သံကိလိဋ္ဌေ စေဝ နော စ ကိလေသေ ခန္ဓေ အာရဗ္ဘ ကိလေသာ စ သမ္ပယုတ္တကာ ခန္ဓာ စ ဥပ္ပဇ္ဇန္တိ. (၃)

(ဣတရေပိ တီဏိ ကာတဗ္ဗာ.)

အဓိပတိပစ္စယော

၈၉. ကိလေသော စေဝ သံကိလိဋ္ဌော စ ဓမ္မော ကိလေသဿ စေဝ သံကိလိဋ္ဌဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ.

သံကိလိဋ္ဌော စေဝ နော စ ကိလေသော ဓမ္မော သံကိလိဋ္ဌဿ စေဝ နော စ ကိလေသဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – သံကိလိဋ္ဌေ စေဝ နော စ ကိလေသေ ခန္ဓေ ဂရုံ ကတွာ။ပေ။ တီဏိ. (ဒွေ အဓိပတိ တီဏိပိ ကာတဗ္ဗာ၊ ဣတရေ ဒွေပိ တီဏိ ကာတဗ္ဗာ.)

အနန္တရပစ္စယာဒိ

၉၀. ကိလေသော စေဝ သံကိလိဋ္ဌော စ ဓမ္မော ကိလေသဿ စေဝ သံကိလိဋ္ဌဿ စ ဓမ္မဿ အနန္တရပစ္စယေန ပစ္စယော (နဝပိ ကာတဗ္ဗာ၊ အာဝဇ္ဇနာပိ ဝုဋ္ဌာနမ္ပိ နတ္ထိ)။ သမနန္တရပစ္စယေန ပစ္စယော။ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော။ ဥပနိဿယပစ္စယေန ပစ္စယော။ နဝ ပဉှာ (ပုရေဇာတပစ္စယော ပစ္ဆာဇာတပစ္စယောပိ နတ္ထိ)။ အာသေဝနပစ္စယေန ပစ္စယော.

ကမ္မပစ္စယာဒိ

၉၁. သံကိလိဋ္ဌော စေဝ နော စ ကိလေသော ဓမ္မော သံကိလိဋ္ဌဿ စေဝ နော စ ကိလေသဿ ဓမ္မဿ ကမ္မပစ္စယေန ပစ္စယော – သံကိလိဋ္ဌာ စေဝ နော စ ကိလေသာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော. (၁)

သံကိလိဋ္ဌော စေဝ နော စ ကိလေသော ဓမ္မော ကိလေသဿ စေဝ သံကိလိဋ္ဌဿ စ ဓမ္မဿ ကမ္မပစ္စယေန ပစ္စယော – သံကိလိဋ္ဌာ စေဝ နော စ ကိလေသာ စေတနာ သမ္ပယုတ္တကာနံ ကိလေသာနံ ကမ္မပစ္စယေန ပစ္စယော. (၂)

သံကိလိဋ္ဌော စေဝ နော စ ကိလေသော ဓမ္မော ကိလေသဿ စေဝ သံကိလိဋ္ဌဿ စ သံကိလိဋ္ဌဿ စေဝ နော စ ကိလေသဿ ဓမ္မဿ ကမ္မပစ္စယေန ပစ္စယော – သံကိလိဋ္ဌာ စေဝ နော စ ကိလေသာ စေတနာ သမ္ပယုတ္တကာနံ ခန္ဓာနံ ကိလေသာနဉ္စ ကမ္မပစ္စယေန ပစ္စယော. (၃)

အာဟာရပစ္စယေန ပစ္စယော။ တီဏိ။ ဣန္ဒြိယပစ္စယေန ပစ္စယော။ တီဏိ။ ဈာနပစ္စယေန ပစ္စယော။ တီဏိ။ မဂ္ဂပစ္စယေန ပစ္စယော။ နဝ။ သမ္ပယုတ္တပစ္စယေန ပစ္စယော။ နဝ။ အတ္ထိပစ္စယေန ပစ္စယော။ နဝ။ နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။ နဝ.