၁. ပဋိစ္စဝါရော
၇၃. ကိလေသသမ္ပယုတ္တံ ဓမ္မံ ပဋိစ္စ ကိလေသသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ကိလေသသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. (၁)
ကိလေသသမ္ပယုတ္တံ ဓမ္မံ ပဋိစ္စ ကိလေသဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ကိလေသသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ. (၂)
(ကိလေသသမ္ပယုတ္တဒုကံ သံကိလိဋ္ဌဒုကသဒိသံ၊ နိန္နာနာကရဏံ.)
ကိလေသသမ္ပယုတ္တဒုကံ နိဋ္ဌိတံ.