၂. သင်္ချာဝါရော

သုဒ္ဓံ

၆၇. ဟေတုယာ စတ္တာရိ၊ အာရမ္မဏေ စတ္တာရိ၊ အဓိပတိယာ ပဉ္စ၊ အနန္တရေ စတ္တာရိ၊ သမနန္တရေ စတ္တာရိ၊ သဟဇာတေ ပဉ္စ၊ အညမညေ ဒွေ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ဒွေ၊ ပစ္ဆာဇာတေ ဒွေ၊ အာသေဝနေ ဒွေ၊ ကမ္မေ စတ္တာရိ၊ ဝိပါကေ ဧကံ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ ဒွေ၊ ဝိပ္ပယုတ္တေ တီဏိ၊ အတ္ထိယာ သတ္တ၊ နတ္ထိယာ စတ္တာရိ၊ ဝိဂတေ စတ္တာရိ၊ အဝိဂတေ သတ္တ.

၂. ပစ္စနီယုဒ္ဓါရော

၆၈. သံကိလိဋ္ဌော ဓမ္မော သံကိလိဋ္ဌဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. (၁)

သံကိလိဋ္ဌော ဓမ္မော အသံကိလိဋ္ဌဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော. (၂)

သံကိလိဋ္ဌော ဓမ္မော သံကိလိဋ္ဌဿ စ အသံကိလိဋ္ဌဿ စ ဓမ္မဿ သဟဇာတပစ္စယေန ပစ္စယော. (၃)

၆၉. အသံကိလိဋ္ဌော ဓမ္မော အသံကိလိဋ္ဌဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော. (၁)

အသံကိလိဋ္ဌော ဓမ္မော သံကိလိဋ္ဌဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၂)

သံကိလိဋ္ဌော စ အသံကိလိဋ္ဌော စ ဓမ္မာ သံကိလိဋ္ဌဿ ဓမ္မဿ သဟဇာတံ။ ပုရေဇာတံ. (၁)

သံကိလိဋ္ဌော စ အသံကိလိဋ္ဌော စ ဓမ္မာ အသံကိလိဋ္ဌဿ ဓမ္မဿ သဟဇာတံ။ ပစ္ဆာဇာတံ။ အာဟာရံ။ ဣန္ဒြိယံ. (၂)