၁. ဝိဘင်္ဂဝါရော

ဟေတုပစ္စယော

၄၀. သံကိလိဋ္ဌံ ဓမ္မံ ပဋိစ္စ သံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ – သံကိလိဋ္ဌံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. (၁)

သံကိလိဋ္ဌံ ဓမ္မံ ပဋိစ္စ အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ – သံကိလိဋ္ဌေ ခန္ဓေ ပဋိစ္စ စိတ္တသမုဋ္ဌာနံ ရူပံ. (၂)

သံကိလိဋ္ဌံ ဓမ္မံ ပဋိစ္စ သံကိလိဋ္ဌော စ အသံကိလိဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ – သံကိလိဋ္ဌံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။. (၃)

အသံကိလိဋ္ဌံ ဓမ္မံ ပဋိစ္စ အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ – အသံကိလိဋ္ဌံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။. (၁)

သံကိလိဋ္ဌဉ္စ အသံကိလိဋ္ဌဉ္စ ဓမ္မံ ပဋိစ္စ အသံကိလိဋ္ဌော ဓမ္မော ဥပ္ပဇ္ဇတိ ဟေတုပစ္စယာ – သံကိလိဋ္ဌေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ). (၁)

၁. ပစ္စယာနုလောမံ

၂. သင်္ချာဝါရော

၄၁. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ၊ အနန္တရေ ဒွေ၊ သမနန္တရေ ဒွေ၊ သဟဇာတေ ပဉ္စ၊ အညမညေ ဒွေ၊ နိဿယေ ပဉ္စ၊ ဥပနိဿယေ ဒွေ၊ ပုရေဇာတေ ဒွေ၊ အာသေဝနေ ဒွေ၊ ကမ္မေ ပဉ္စ၊ ဝိပါကေ ဧကံ၊ အာဟာရေ ပဉ္စ (သံခိတ္တံ)၊ အဝိဂတေ ပဉ္စ.