၁. ပစ္စယာနုလောမံ

၂. သင်္ချာဝါရော

၃၃၉. ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ ပဉ္စ၊ အနန္တရေ တီဏိ၊ သမနန္တရေ တီဏိ၊ သဟဇာတေ ပဉ္စ၊ အညမညေ ဒွေ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ဒွေ၊ ပစ္ဆာဇာတေ ဒွေ၊ အာသေဝနေ ဒွေ၊ ကမ္မေ စတ္တာရိ၊ ဝိပါကေ ဧကံ၊ အာဟာရေ စတ္တာရိ၊ ဣန္ဒြိယေ ဈာနေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ ဒွေ၊ ဝိပ္ပယုတ္တေ တီဏိ၊ အတ္ထိယာ သတ္တ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ သတ္တ.

၂. ပစ္စနီယုဒ္ဓါရော

၃၄၀. နိယတော ဓမ္မော နိယတဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. နိယတော ဓမ္မော အနိယတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော. နိယတော ဓမ္မော နိယတဿ စ အနိယတဿ စ ဓမ္မဿ သဟဇာတပစ္စယေန ပစ္စယော. (၃)

၃၄၁. အနိယတော ဓမ္မော အနိယတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော. အနိယတော ဓမ္မော နိယတဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၂)

နိယတော စ အနိယတော စ ဓမ္မာ နိယတဿ ဓမ္မဿ သဟဇာတံ၊ ပုရေဇာတံ. နိယတော စ အနိယတော စ ဓမ္မာ အနိယတဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ. (၂)