၁-၆. ပဋိစ္စဝါရာဒိ

၃၂၉. နိယတံ ဓမ္မံ ပဋိစ္စ နိယတော ဓမ္မော ဥပ္ပဇ္ဇတိ ဟေတုပစ္စယာ – နိယတံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. နိယတံ ဓမ္မံ ပဋိစ္စ အနိယတော ဓမ္မော ဥပ္ပဇ္ဇတိ ဟေတုပစ္စယာ – နိယတေ ခန္ဓေ ပဋိစ္စ စိတ္တသမုဋ္ဌာနံ ရူပံ (သံခိတ္တံ. ပဉ္စပိ ပဉှာ ကာတဗ္ဗာ. ယထာ နိယျာနိကဒုကံ ဧဝံ ပဋိစ္စဝါရောပိ သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ကာတဗ္ဗာ၊ နိန္နာနာကရဏံ အာမသနံ နာနံ).