၁. ပစ္စယာနုလောမံ

၂. သင်္ချာဝါရော

၃၂၃. ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ ပဉ္စ၊ အနန္တရေ တီဏိ၊ သမနန္တရေ တီဏိ၊ သဟဇာတေ ပဉ္စ၊ အညမညေ ဒွေ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ဒွေ၊ ပစ္ဆာဇာတေ ဒွေ၊ အာသေဝနေ ဒွေ၊ ကမ္မေ စတ္တာရိ၊ ဝိပါကေ ဧကံ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ ဒွေ၊ ဝိပ္ပယုတ္တေ တီဏိ၊ အတ္ထိယာ သတ္တ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ သတ္တ.

အနုလောမံ.

ပစ္စနီယုဒ္ဓါရော

၃၂၄. နိယျာနိကော ဓမ္မော နိယျာနိကဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. နိယျာနိကော ဓမ္မော အနိယျာနိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော. နိယျာနိကော ဓမ္မော နိယျာနိကဿ စ အနိယျာနိကဿ စ ဓမ္မဿ သဟဇာတပစ္စယေန ပစ္စယော. (၃)

၃၂၅. အနိယျာနိကော ဓမ္မော အနိယျာနိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော. အနိယျာနိကော ဓမ္မော နိယျာနိကဿ ဓမ္မဿ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၂)

နိယျာနိကော စ အနိယျာနိကော စ ဓမ္မာ နိယျာနိကဿ ဓမ္မဿ သဟဇာတံ၊ ပုရေဇာတံ. နိယျာနိကော စ အနိယျာနိကော စ ဓမ္မာ အနိယျာနိကဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ. (၃)