၁. ဝိဘင်္ဂဝါရော

နဟေတုပစ္စယော

၃၀၉. အနိယျာနိကံ ဓမ္မံ ပစ္စယာ အနိယျာနိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိယျာနိကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ အနိယျာနိကာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁)

နအာရမ္မဏပစ္စယာဒိ

၃၁၀. နိယျာနိကံ ဓမ္မံ ပစ္စယာ အနိယျာနိကော ဓမ္မော ဥပ္ပဇ္ဇတိ နအာရမ္မဏပစ္စယာ။ တီဏိ.

နိယျာနိကံ ဓမ္မံ ပစ္စယာ နိယျာနိကော ဓမ္မော ဥပ္ပဇ္ဇတိ နအဓိပတိပစ္စယာ – နိယျာနိကေ ခန္ဓေ ပစ္စယာ နိယျာနိကာဓိပတိ. (၁)

အနိယျာနိကံ ဓမ္မံ ပစ္စယာ အနိယျာနိကော ဓမ္မော ဥပ္ပဇ္ဇတိ နအဓိပတိပစ္စယာ – အနိယျာနိကံ ဧကံ ခန္ဓံ ပစ္စယာ။ပေ။ (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အနိယျာနိကာ ခန္ဓာ. အနိယျာနိကံ ဓမ္မံ ပစ္စယာ နိယျာနိကော ဓမ္မော ဥပ္ပဇ္ဇတိ နအဓိပတိပစ္စယာ – ဝတ္ထုံ ပစ္စယာ နိယျာနိကာဓိပတိ. (၂)

နိယျာနိကဉ္စ အနိယျာနိကဉ္စ ဓမ္မံ ပစ္စယာ နိယျာနိကော ဓမ္မော ဥပ္ပဇ္ဇတိ နအဓိပတိပစ္စယာ – နိယျာနိကေ ခန္ဓေ စ ဝတ္ထုဉ္စ ပစ္စယာ နိယျာနိကာဓိပတိ. (၁)