၁. ဝိဘင်္ဂဝါရော

နဟေတု-နအာရမ္မဏပစ္စယာ

၃၀၂. အနိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိယျာနိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။ (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁) နအာရမ္မဏပစ္စယာ။ တီဏိ.

နအဓိပတိပစ္စယာဒိ

၃၀၃. နိယျာနိကံ ဓမ္မံ ပဋိစ္စ နိယျာနိကော ဓမ္မော ဥပ္ပဇ္ဇတိ နအဓိပတိပစ္စယာ – နိယျာနိကေ ခန္ဓေ ပဋိစ္စ နိယျာနိကာဓိပတိ. (၁)

အနိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ နအဓိပတိပစ္စယာ – အနိယျာနိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ (ယာဝ အသညသတ္တာ ကာတဗ္ဗာ). (၁)

နအနန္တရပစ္စယာ။ နသမနန္တရပစ္စယာ။ နအညမညပစ္စယာ။ပေ။.

နပုရေဇာတပစ္စယော

၃၀၄. နိယျာနိကံ ဓမ္မံ ပဋိစ္စ နိယျာနိကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နိယျာနိကံ ဧကံ ခန္ဓံ။ပေ။. နိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ နပုရေဇာတပစ္စယာ – နိယျာနိကေ ခန္ဓေ ပဋိစ္စ စိတ္တသမုဋ္ဌာနံ ရူပံ. (၂)

အနိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အနိယျာနိကံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ အနိယျာနိကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။ (ယာဝ အသညသတ္တာ). (၁)

နိယျာနိကဉ္စ အနိယျာနိကဉ္စ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ နပုရေဇာတပစ္စယာ – နိယျာနိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၁)