၁. ဝိဘင်္ဂဝါရော

၃၀၀. နိယျာနိကံ ဓမ္မံ ပဋိစ္စ နိယျာနိကော ဓမ္မော ဥပ္ပဇ္ဇတိ ဟေတုပစ္စယာ – နိယျာနိကံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. နိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ – နိယျာနိကေ ခန္ဓေ ပဋိစ္စ စိတ္တသမုဋ္ဌာနံ ရူပံ. နိယျာနိကံ ဓမ္မံ ပဋိစ္စ နိယျာနိကော စ အနိယျာနိကော စ ဓမ္မာ ဥပ္ပဇ္ဇန္တိ ဟေတုပစ္စယာ – နိယျာနိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။. (၃)

အနိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ – အနိယျာနိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။. (၁)

နိယျာနိကဉ္စ အနိယျာနိကဉ္စ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ – နိယျာနိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၁)