၁. ဝိဘင်္ဂဝါရော

နဟေတုပစ္စယာဒိ

၂၇၆. နအရူပါဝစရံ ဓမ္မံ ပစ္စယာ နအရူပါဝစရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နအရူပါဝစရံ ဧကံ ခန္ဓံ။ပေ။ (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ နအရူပါဝစရာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁) နအာရမ္မဏပစ္စယာ။ တီဏိ.

အရူပါဝစရံ ဓမ္မံ ပစ္စယာ အရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – အရူပါဝစရေ ခန္ဓေ ပစ္စယာ အရူပါဝစရာဓိပတိ၊ ဝိပါကံ အရူပါဝစရံ ဧကံ ခန္ဓံ။ပေ။ ပဋိသန္ဓိက္ခဏေ။ပေ။. (၁)

နအရူပါဝစရံ ဓမ္မံ ပစ္စယာ နအရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – နအရူပါဝစရံ ဧကံ ခန္ဓံ။ပေ။ ပဋိသန္ဓိက္ခဏေ။ပေ။ (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ နအရူပါဝစရာ ခန္ဓာ. (၁)