၁. ဝိဘင်္ဂဝါရော

နဟေတု-နအာရမ္မဏပစ္စယာ

၂၆၈. နအရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နအရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁) နအာရမ္မဏပစ္စယာ။ တီဏိ.

နအဓိပတိပစ္စယာဒိ

၂၆၉. အရူပါဝစရံ ဓမ္မံ ပဋိစ္စ အရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – အရူပါဝစရေ ခန္ဓေ ပဋိစ္စ အရူပါဝစရာဓိပတိ၊ ဝိပါကံ အရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁)

နအရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – နအရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ ။ပေ။ ပဋိသန္ဓိက္ခဏေ။ပေ။ (ယာဝ အသညသတ္တာ). (၁) နအနန္တရပစ္စယာ။ပေ။ နဥပနိဿယပစ္စယာ.

နပုရေဇာတပစ္စယာဒိ

၂၇၀. အရူပါဝစရံ ဓမ္မံ ပဋိစ္စ အရူပါဝစရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. (မူလံ ကာတဗ္ဗံ.) အရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ. (၂)

နအရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နအရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ (ယာဝ အသညသတ္တာ). (၁)

အရူပါဝစရဉ္စ နအရူပါဝစရဉ္စ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပါဝစရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၁) နပစ္ဆာဇာတပစ္စယာ။.

နအာသေဝနပစ္စယော

၂၇၁. အရူပါဝစရံ ဓမ္မံ ပဋိစ္စ အရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ အရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. အရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ – အရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ. (၂)

နအရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ – နအရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ (ယာဝ အသညသတ္တာ). (၁)

အရူပါဝစရဉ္စ နအရူပါဝစရဉ္စ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ – အရူပါဝစရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၁) (သံခိတ္တံ.)