၁. ဝိဘင်္ဂဝါရော

ဟေတုပစ္စယော

၂၆၅. အရူပါဝစရံ ဓမ္မံ ပဋိစ္စ အရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – အရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. အရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – အရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ. အရူပါဝစရံ ဓမ္မံ ပဋိစ္စ အရူပါဝစရော စ နအရူပါဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ – အရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။. (၃)

၂၆၆. နအရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – နအရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ နအရူပါဝစရံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ။ ဒွေ ခန္ဓေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။. (၁)

အရူပါဝစရဉ္စ နအရူပါဝစရဉ္စ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – အရူပါဝစရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ. (၁) (သံခိတ္တံ.)