၁-၄. ပစ္စယာနုလောမာဒိ

ဟေတုပစ္စယော

၂၄၄. ရူပါဝစရံ ဓမ္မံ သံသဋ္ဌော ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – ရူပါဝစရံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁)

နရူပါဝစရံ ဓမ္မံ သံသဋ္ဌော နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – နရူပါဝစရံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁)

ဟေတုယာ ဒွေ၊ အာရမ္မဏေ ဒွေ (သဗ္ဗတ္ထ ဒွေ)၊ အဝိဂတေ ဒွေ.

အနုလောမံ.

နရူပါဝစရံ ဓမ္မံ သံသဋ္ဌော နရူပါဝစရော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ).

နဟေတုယာ ဧကံ၊ နအဓိပတိယာ ဒွေ၊ နပုရေဇာတေ ဒွေ၊ နပစ္ဆာဇာတေ ဒွေ၊ နအာသေဝနေ ဒွေ၊ နကမ္မေ ဒွေ၊ နဝိပါကေ ဒွေ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဧကံ.

ပစ္စနီယံ.