၁. ဝိဘင်္ဂဝါရော

ဟေတုပစ္စယော

၂၃၇. ရူပါဝစရံ ဓမ္မံ ပစ္စယာ ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိစ္စသဒိသံ).

နရူပါဝစရံ ဓမ္မံ ပစ္စယာ နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – နရူပါဝစရံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ (ယာဝ အဇ္ဈတ္တိကံ မဟာဘူတံ) ဝတ္ထုံ ပစ္စယာ နရူပါဝစရာ ခန္ဓာ. နရူပါဝစရံ ဓမ္မံ ပစ္စယာ ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ရူပါဝစရာ ခန္ဓာ၊ ပဋိသန္ဓိက္ခဏေ။ပေ။. နရူပါဝစရံ ဓမ္မံ ပစ္စယာ ရူပါဝစရော စ နရူပါဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ရူပါဝစရာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. (၃)

၂၃၈. ရူပါဝစရဉ္စ နရူပါဝစရဉ္စ ဓမ္မံ ပစ္စယာ ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – ရူပါဝစရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ။ ဒွေ ခန္ဓေ စ။ပေ။ ပဋိသန္ဓိက္ခဏေ။ပေ။. ရူပါဝစရဉ္စ နရူပါဝစရဉ္စ ဓမ္မံ ပစ္စယာ နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ – ရူပါဝစရေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. ရူပါဝစရဉ္စ နရူပါဝစရဉ္စ ဓမ္မံ ပစ္စယာ ရူပါဝစရော စ နရူပါဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ – ရူပါဝစရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ။ ဒွေ ခန္ဓေ စ။ပေ။ ရူပါဝစရေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. (၃) (သံခိတ္တံ.)