၁. ဝိဘင်္ဂဝါရော

နဟေတု-နအာရမ္မဏပစ္စယာ

၂၃၀. နရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ။ (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁)

နအာရမ္မဏပစ္စယာ။ တီဏိ.

နအဓိပတိပစ္စယာဒိ

၂၃၁. ရူပါဝစရံ ဓမ္မံ ပဋိစ္စ ရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – ရူပါဝစရေ ခန္ဓေ ပဋိစ္စ ရူပါဝစရာဓိပတိ ဝိပါကံ၊ ရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. ရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ ရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. ရူပါဝစရံ ဓမ္မံ ပဋိစ္စ ရူပါဝစရော စ နရူပါဝစရော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိပါကံ ရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

နရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – နရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ တီဏိ. (နကာမာဝစရံ ပဋိစ္စဝါရသဒိသံ နိန္နာနံ၊ ဣဓ သဗ္ဗေ မဟာဘူတာ ကာတဗ္ဗာ.) (၃)

၂၃၂. ရူပါဝစရဉ္စ နရူပါဝစရဉ္စ ဓမ္မံ ပဋိစ္စ ရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – ပဋိသန္ဓိက္ခဏေ ရူပါဝစရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ စ။ပေ။. ရူပါဝစရဉ္စ နရူပါဝစရဉ္စ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ ရူပါဝစရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. ရူပါဝစရဉ္စ နရူပါဝစရဉ္စ ဓမ္မံ ပဋိစ္စ ရူပါဝစရော စ နရူပါဝစရော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ပဋိသန္ဓိက္ခဏေ ရူပါဝစရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ စ။ပေ။ ရူပါဝစရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ. (၃) နအနန္တရပစ္စယာ။ပေ။ နဥပနိဿယပစ္စယာ.

နပုရေဇာတပစ္စယာဒိ

၂၃၃. ရူပါဝစရံ ဓမ္မံ ပဋိစ္စ ရူပါဝစရော ဓမ္မော ဥပ္ပဇ္ဇတိ နပုရေဇာတပစ္စယာ – ပဋိသန္ဓိက္ခဏေ ရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။. ရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နပုရေဇာတပစ္စယာ – ရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. ရူပါဝစရံ ဓမ္မံ ပဋိစ္စ ရူပါဝစရော စ နရူပါဝစရော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ ရူပါဝစရံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ။ ဒွေ ခန္ဓေ။ပေ။. (၃)

နရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ နရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။ (ယာဝ အသညသတ္တာ၊ ဣတရေ ပဉ္စပိ ပဉှာ၊ အနုလောမံ ကာတဗ္ဗံ) နပစ္ဆာဇာတပစ္စယာ။ နဝ.

နအာသေဝနပစ္စယာဒိ

၂၃၄. ရူပါဝစရံ ဓမ္မံ ပဋိစ္စ ရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ ရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. ရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ – ရူပါဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. ရူပါဝစရံ ဓမ္မံ ပဋိစ္စ ရူပါဝစရော စ နရူပါဝစရော စ ဓမ္မာ ဥပ္ပဇ္ဇန္တိ နအာသေဝနပစ္စယာ – ဝိပါကံ ရူပါဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ ။ပေ။. (၃)

နရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ။ တီဏိ.

ရူပါဝစရဉ္စ နရူပါဝစရဉ္စ ဓမ္မံ ပဋိစ္စ ရူပါဝစရော ဓမ္မော ဥပ္ပဇ္ဇတိ နအာသေဝနပစ္စယာ (သံခိတ္တံ. မူလံ. ဣတရေပိ ပဉှာ ကာတဗ္ဗာ)။ နကမ္မပစ္စယာ။ ဒွေ။ပေ။ နသမ္ပယုတ္တပစ္စယာ.

၂၃၅. နရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ နရူပါဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ။ (သံခိတ္တံ).