၂. ပစ္စနီယုဒ္ဓါရော

၂၂၁. ကာမာဝစရော ဓမ္မော ကာမာဝစရဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော. ကာမာဝစရော ဓမ္မော နကာမာဝစရဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၂)

၂၂၂. နကာမာဝစရော ဓမ္မော နကာမာဝစရဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. နကာမာဝစရော ဓမ္မော ကာမာဝစရဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော. နကာမာဝစရော ဓမ္မော ကာမာဝစရဿ စ နကာမာဝစရဿ စ ဓမ္မဿ သဟဇာတပစ္စယေန ပစ္စယော။ ကမ္မပစ္စယေန ပစ္စယော. (၃)

ကာမာဝစရော စ နကာမာဝစရော စ ဓမ္မာ ကာမာဝစရဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ. ကာမာဝစရော စ နကာမာဝစရော စ ဓမ္မာ နကာမာဝစရဿ ဓမ္မဿ သဟဇာတံ၊ ပုရေဇာတံ. (၂)