၁. ဝိဘင်္ဂဝါရော

နဟေတုပစ္စယာဒိ

၁၉၈. ကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ကာမာဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ အဟေတုကပဋိသန္ဓိက္ခဏေ။ပေ။ (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (၁)

နအာရမ္မဏပစ္စယာ။ တီဏိ.

နအဓိပတိပစ္စယာဒိ

၁၉၉. ကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ နအဓိပတိပစ္စယာ။ တီဏိ.

နကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ နအဓိပတိပစ္စယာ – နကာမာဝစရေ ခန္ဓေ ပဋိစ္စ နကာမာဝစရာဓိပတိ၊ ဝိပါကံ နကာမာဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. နကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ နကာမာဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။. နကာမာဝစရံ ဓမ္မံ ပဋိစ္စ ကာမာဝစရော စ နကာမာဝစရော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိပါကံ နကာမာဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

ကာမာဝစရဉ္စ နကာမာဝစရဉ္စ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ နကာမာဝစရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။ (ဣတရေ ဒွေ ပါကတိကာ) နအနန္တရပစ္စယာ။ပေ။ နပုရေဇာတပစ္စယာ။ နပစ္ဆာဇာတပစ္စယာ.

နအာသေဝနပစ္စယော

၂၀၀. ကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ နအာသေဝနပစ္စယာ။ တီဏိ.

နကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ နကာမာဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. နကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ နအာသေဝနပစ္စယာ – နကာမာဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ။ပေ။ (မူလံ ကာတဗ္ဗံ) ဝိပါကံ နကာမာဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

(အဝသေသာ တီဏိ ပါကတိကာ. သံခိတ္တံ.)