၁. ဝိဘင်္ဂဝါရော

ဟေတုပစ္စယော

၁၉၄. ကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ – ကာမာဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။ ဧကံ မဟာဘူတံ။ပေ။ (သံခိတ္တံ). ကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နကာမာဝစရာ ခန္ဓာ. ကာမာဝစရံ ဓမ္မံ ပဋိစ္စ ကာမာဝစရော စ နကာမာဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နကာမာဝစရာ ခန္ဓာ၊ မဟာဘူတေ ပဋိစ္စ ကဋတ္တာရူပံ. (၃)

၁၉၅. နကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ – နကာမာဝစရံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. နကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ – နကာမာဝစရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ နကာမာဝစရေ ခန္ဓေ ပဋိစ္စ ကဋတ္တာရူပံ. နကာမာဝစရံ ဓမ္မံ ပဋိစ္စ ကာမာဝစရော စ နကာမာဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ – နကာမာဝစရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

၁၉၆. ကာမာဝစရဉ္စ နကာမာဝစရဉ္စ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ – နကာမာဝစရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ နကာမာဝစရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ. ကာမာဝစရဉ္စ နကာမာဝစရဉ္စ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ နကာမာဝစရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ စ။ပေ။. ကာမာဝစရဉ္စ နကာမာဝစရဉ္စ ဓမ္မံ ပဋိစ္စ ကာမာဝစရော စ နကာမာဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ နကာမာဝစရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ။ ဒွေ ခန္ဓေ စ။ပေ။ နကာမာဝစရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ. (၃) (သံခိတ္တံ.)