၁. ဝိဘင်္ဂဝါရော

ဟေတုပစ္စယော

၁၇၀. သုခသဟဂတော ဓမ္မော သုခသဟဂတဿ ဓမ္မဿ ဟေတုပစ္စယေန ပစ္စယော။ စတ္တာရိ. (အာရမ္မဏေပိ အဓိပတိယာပိ သပ္ပီတိကဒုကသဒိသာ၊ သုခန္တိ နာနာကရဏံ.)

အနန္တရပစ္စယာဒိ

၁၇၁. သုခသဟဂတော ဓမ္မော သုခသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ သုခသဟဂတာ ခန္ဓာ ပစ္ဆိမဿ ပစ္ဆိမဿ သုခဿ အနန္တရပစ္စယေန ပစ္စယော. သုခသဟဂတံ စုတိစိတ္တံ နသုခသဟဂတဿ ဥပပတ္တိစိတ္တဿ။ သုခသဟဂတံ ဘဝင်္ဂံ အာဝဇ္ဇနာယ။ သုခသဟဂတံ ကာယဝိညာဏံ ဝိပါကမနောဓာတုယာ။ သုခသဟဂတာ ဝိပါကမနောဝိညာဏဓာတု ကိရိယမနောဝိညာဏဓာတုယာ။ သုခသဟဂတံ ဘဝင်္ဂံ နသုခသဟဂတဿ ဘဝင်္ဂဿ။ သုခသဟဂတံ ကုသလာကုသလံ နသုခသဟဂတဿ ဝုဋ္ဌာနဿ။ ကိရိယံ ဝုဋ္ဌာနဿ။ ဖလံ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ သုခဿ စ အနန္တရပစ္စယေန ပစ္စယော. (၁)

နသုခသဟဂတော ဓမ္မော နသုခသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နသုခသဟဂတာ။ပေ။. (မူလံ. တီဏိပိ သပ္ပီတိကဒုကသဒိသာ.)

၁၇၂. သုခသဟဂတော စ နသုခသဟဂတော စ ဓမ္မာ သုခသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ စ သုခဉ္စ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ သုခသဟဂတာ ခန္ဓာ စ သုခဉ္စ ပစ္ဆိမဿ ပစ္ဆိမဿ သုခဿ အနန္တရပစ္စယေန ပစ္စယော၊ သုခသဟဂတံ စုတိစိတ္တဉ္စ သုခဉ္စ နသုခသဟဂတဿ ဥပပတ္တိစိတ္တဿ သုခသဟဂတံ ဘဝင်္ဂဉ္စ သုခဉ္စ အာဝဇ္ဇနာယ ။ သုခသဟဂတံ ကာယဝိညာဏဉ္စ သုခဉ္စ ဝိပါကမနောဓာတုယာ။ သုခသဟဂတာ ဝိပါကမနောဝိညာဏဓာတု စ သုခဉ္စ ကိရိယမနောဝိညာဏဓာတုယာ။ သုခသဟဂတံ ဘဝင်္ဂဉ္စ သုခဉ္စ နသုခသဟဂတဿ ဘဝင်္ဂဿ။ သုခသဟဂတံ ကုသလာကုသလဉ္စ သုခဉ္စ နသုခသဟဂတဿ ဝုဋ္ဌာနဿ။ ကိရိယံ ဝုဋ္ဌာနဿ။ ဖလံ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ သုခသဟဂတာ ခန္ဓာ စ သုခဉ္စ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ သုခဿ စ အနန္တရပစ္စယေန ပစ္စယော. (၃)

သမနန္တရပစ္စယေန ပစ္စယော။ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော.

ဥပနိဿယပစ္စယော

၁၇၃. သုခသဟဂတော ဓမ္မော သုခသဟဂတဿ ဓမ္မဿ ဥပနိဿယပစ္စယေန ပစ္စယော။ တီဏိ.

နသုခသဟဂတော ဓမ္မော နသုခသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – နသုခသဟဂတံ သဒ္ဓံ ဥပနိဿာယ နသုခသဟဂတေန စိတ္တေန ဒါနံ ဒေတိ၊ သီလံ။ပေ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ နသုခသဟဂတံ သီလံ။ပေ။ ပညံ။ ရာဂံ။ပေ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ သုခံ ဥပနိဿာယ နသုခသဟဂတေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ပါဏံ ဟနတိ။ပေ။ သံဃံ ဘိန္ဒတိ၊ နသုခသဟဂတာ သဒ္ဓါ။ပေ။ သေနာသနံ သုခဉ္စ နသုခသဟဂတာယ သဒ္ဓါယ။ပေ။ ပညာယ။ ရာဂဿ။ ဒေါသဿ။ပေ။ ပတ္ထနာယ။ ကာယိကဿ သုခဿ၊ ကာယိကဿ ဒုက္ခဿ၊ မဂ္ဂဿ၊ ဖလသမာပတ္တိယာ သုခဿ စ ဥပနိဿယပစ္စယေန ပစ္စယော. (၁)

နသုခသဟဂတော ဓမ္မော သုခသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – နသုခသဟဂတံ သဒ္ဓံ ဥပနိဿာယ သုခသဟဂတေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ နသုခသဟဂတံ သီလံ။ပေ။ ပညံ။ ရာဂံ။ပေ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ သုခံ ဥပနိဿာယ သုခသဟဂတေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ သုခသဟဂတေန စိတ္တေန အဒိန္နံ အာဒိယတိ၊ မုသာ။ပေ။ ပိသုဏံ။ပေ။ သမ္ဖံ။ပေ။ သန္ဓိံ။ပေ။ နိလ္လောပံ။ပေ။ ဧကာဂါရိကံ။ပေ။ ပရိပန္ထေ။ပေ။ ပရဒါရံ။ပေ။ ဂါမဃာတံ။ပေ။ နိဂမဃာတံ ကရောတိ၊ နသုခသဟဂတာ သဒ္ဓါ။ပေ။ သေနာသနံ သုခဉ္စ သုခသဟဂတာယ သဒ္ဓါယ။ပေ။ ပညာယ။ ရာဂဿ။ မာနဿ။ ဒိဋ္ဌိယာ။ ပတ္ထနာယ။ ကာယိကဿ သုခဿ။ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော. (၂)

နသုခသဟဂတော ဓမ္မော သုခသဟဂတဿ စ နသုခသဟဂတဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – နသုခသဟဂတံ သဒ္ဓံ ဥပနိဿာယ သုခသဟဂတေန စိတ္တေန ဒါနံ ဒေတိ။ပေ။ (ဒုတိယဂမနသဒိသံ) မာနံ ဇပ္ပေတိ၊ ဒိဋ္ဌိံ ဂဏှာတိ၊ နသုခသဟဂတံ သီလံ။ပေ။ သေနာသနံ သုခံ ဥပနိဿာယ ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ သုခသဟဂတေန စိတ္တေန အဒိန္နံ အာဒိယတိ။ပေ။ နသုခသဟဂတာ သဒ္ဓါ။ပေ။ သေနာသနံ သုခဉ္စ သုခသဟဂတာယ ။ သဒ္ဓါယ။ပေ။ ပတ္ထနာယ ။ ကာယိကဿ သုခဿ၊ မဂ္ဂဿ၊ ဖလသမာပတ္တိယာ သုခဿ စ ဥပနိဿယပစ္စယေန ပစ္စယော. (၃)

သုခသဟဂတော စ နသုခသဟဂတော စ ဓမ္မာ သုခသဟဂတဿ ဓမ္မဿ ဥပနိဿယပစ္စယေန ပစ္စယော။ တီဏိ.

ပုရေဇာတပစ္စယာဒိ

၁၇၄. နသုခသဟဂတော ဓမ္မော နသုခသဟဂတဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ နသုခသဟဂတေန စိတ္တေန အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ နသုခသဟဂတော ရာဂေါ ဥပ္ပဇ္ဇတိ။ပေ။ ဒေါမနဿံ ဥပ္ပဇ္ဇတိ၊ သုခံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ ဖောဋ္ဌဗ္ဗာယတနံ ကာယဝိညာဏဿ။ပေ။. ဝတ္ထုပုရေဇာတံ – စက္ခာယတနံ စက္ခုဝိညာဏဿ။ပေ။ ကာယာယတနံ ကာယဝိညာဏဿ။ပေ။ ဝတ္ထု နသုခသဟဂတာနံ ခန္ဓာနံ သုခဿ စ ပုရေဇာတပစ္စယေန ပစ္စယော. (၁)

နသုခသဟဂတော ဓမ္မော သုခသဟဂတဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ သုခသဟဂတေန စိတ္တေန အနိစ္စတော။ပေ။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ သုခသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. ဝတ္ထုပုရေဇာတံ – ဝတ္ထု သုခသဟဂတာနံ ခန္ဓာနံ ပုရေဇာတပစ္စယေန ပစ္စယော. (၂)

နသုခသဟဂတော ဓမ္မော သုခသဟဂတဿ စ နသုခသဟဂတဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ သုခသဟဂတေန စိတ္တေန အနိစ္စတော။ပေ။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ သုခဉ္စ သမ္ပယုတ္တကာ ခန္ဓာ စ ဥပ္ပဇ္ဇန္တိ. ဝတ္ထုပုရေဇာတံ – ဝတ္ထု သုခသဟဂတာနံ ခန္ဓာနံ သုခဿ စ ပုရေဇာတပစ္စယေန ပစ္စယော. (၃)

ပစ္ဆာဇာတပစ္စယေန ပစ္စယော။ တီဏိ။ အာသေဝနပစ္စယေန ပစ္စယော။ နဝ.

ကမ္မပစ္စယာဒိ

၁၇၅. သုခသဟဂတော ဓမ္မော သုခသဟဂတဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ. (ဆ ကမ္မာနိ စတ္တာရိ သဟဇာတာပိ နာနာက္ခဏိကာပိ ကာတဗ္ဗာ၊ ဒွေ နာနာက္ခဏိကာ.)။ ဝိပါကပစ္စယေန ပစ္စယော။ နဝ။ အာဟာရပစ္စယေန ပစ္စယော။ စတ္တာရိ။ ဣန္ဒြိယပစ္စယေန ပစ္စယော။ နဝ။ ဈာနပစ္စယေန ပစ္စယော။ နဝ။ မဂ္ဂပစ္စယေန ပစ္စယော။ စတ္တာရိ။ သမ္ပယုတ္တပစ္စယေန ပစ္စယော။ ဆ။ ဝိပ္ပယုတ္တပစ္စယေန ပစ္စယော။ ပဉ္စ။ အတ္ထိပစ္စယေန ပစ္စယော။ နဝ။ နတ္ထိပစ္စယေန ပစ္စယော။ နဝ။ ဝိဂတပစ္စယေန ပစ္စယော။ နဝ။ အဝိဂတပစ္စယေန ပစ္စယော။ နဝ.