၃. ပစ္စယဝါရော
၁-၄. ပစ္စယာနုလောမာဒိ
၁၄၇. သပ္ပီတိကံ ဓမ္မံ ပစ္စယာ သပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ. ယထာ သဝိတက္ကဒုကေ အနုလောမပစ္စယဝါရံ၊ ဧဝံ ပဝတ္တိပဋိသန္ဓိ နဝ ပဉှာ ပရိပုဏ္ဏာ ပီတိ နိန္နာနာကရဏာ.)
ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ အဝိဂတေ နဝ.
အနုလောမံ.
သပ္ပီတိကံ ဓမ္မံ ပစ္စယာ သပ္ပီတိကော ဓမ္မော ဥပ္ပဇ္ဇတိ နဟေတုပစ္စယာ။ တီဏိ (ပဋိစ္စသဒိသာ).
အပ္ပီတိကံ ဓမ္မံ ပစ္စယာ အပ္ပီတိကော ဓမ္မော ဥပ္ပဇ္ဇတိ နဟေတုပစ္စယာ. (ပဝတ္တိပဋိသန္ဓိ ကာတဗ္ဗာ ပဋိစ္စဝါရသဒိသာ၊ ယာဝ အသညသတ္တာ.) စက္ခာယတနံ ပစ္စယာ စက္ခုဝိညာဏံ။ပေ။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ အပ္ပီတိကာ ခန္ဓာ ပီတိ စ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော. (အနုလောမသဒိသာ နဝ ပဉှာ၊ ပဝတ္တိယေဝ ပဋိသန္ဓိ နတ္ထိ၊ ဧကောယေဝ မောဟော.)
နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ။ပေ။ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ နဝ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဆ၊ နောနတ္ထိယာ တီဏိ၊ နောဝိဂတေ တီဏိ.