၁. ဝိဘင်္ဂဝါရော

ဟေတုပစ္စယော

၁၄၂. သပ္ပီတိကံ ဓမ္မံ ပဋိစ္စ သပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ – သပ္ပီတိကံ ဧကံ ခန္ဓံ ပဋိစ္စ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. သပ္ပီတိကံ ဓမ္မံ ပဋိစ္စ အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ – သပ္ပီတိကေ ခန္ဓေ ပဋိစ္စ ပီတိ စ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ။ပေ။. သပ္ပီတိကံ ဓမ္မံ ပဋိစ္စ သပ္ပီတိကော စ အပ္ပီတိကော စ ဓမ္မာ ဥပ္ပဇ္ဇန္တိ ဟေတုပစ္စယာ – သပ္ပီတိကံ ဧကံ ခန္ဓံ ပဋိစ္စ တယော ခန္ဓာ ပီတိ စ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

အပ္ပီတိကံ ဓမ္မံ ပဋိစ္စ အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ – အပ္ပီတိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ။ ဒွေ ခန္ဓေ။ပေ။ ပီတိံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ အပ္ပီတိကံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ၊ ဒွေ ခန္ဓေ။ပေ။ ပီတိံ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ပီတိံ ပဋိစ္စ ဝတ္ထု၊ ဝတ္ထုံ ပဋိစ္စ ပီတိ၊ ဧကံ မဟာဘူတံ။ပေ။. (ယထာ သဝိတက္ကဒုကံ သဗ္ဗတ္ထ၊ ဧဝံ သပ္ပီတိကဒုကံ ကာတဗ္ဗံ၊ သဗ္ဗတ္ထ ပဝတ္တိပဋိသန္ဓိ နဝပိ ပဉှာ.)