၁-၄. ပစ္စယာနုလောမာဒိ

ဟေတုပစ္စယော

၁၁၅. သဝိတက္ကံ ဓမ္မံ သံသဋ္ဌော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. သဝိတက္ကံ ဓမ္မံ သံသဋ္ဌော အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကေ ခန္ဓေ သံသဋ္ဌော ဝိတက္ကော၊ ပဋိသန္ဓိက္ခဏေ။ပေ။. သဝိတက္ကံ ဓမ္မံ သံသဋ္ဌော သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကံ ဧကံ ခန္ဓံ သံသဋ္ဌာ တယော ခန္ဓာ ဝိတက္ကော စ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၃)

အဝိတက္ကံ ဓမ္မံ သံသဋ္ဌော အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကံ ဧကံ ခန္ဓံ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. အဝိတက္ကံ ဓမ္မံ သံသဋ္ဌော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – ဝိတက္ကံ သံသဋ္ဌာ သမ္ပယုတ္တကာ ခန္ဓာ၊ ပဋိသန္ဓိက္ခဏေ။ပေ။. (၂)

သဝိတက္ကဉ္စ အဝိတက္ကဉ္စ ဓမ္မံ သံသဋ္ဌော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကံ ဧကံ ခန္ဓဉ္စ ဝိတက္ကဉ္စ သံသဋ္ဌာ တယော ခန္ဓာ။ပေ။ ဒွေ ခန္ဓေ။ပေ။ ပဋိသန္ဓိက္ခဏေ။ပေ။. (၁) (သံခိတ္တံ.)

ဟေတုယာ ဆ၊ အာရမ္မဏေ ဆ၊ အဓိပတိယာ ဆ (သဗ္ဗတ္ထ ဆ) အဝိဂတေ ဆ.

အနုလောမံ.

သဝိတက္ကံ ဓမ္မံ သံသဋ္ဌော သဝိတက္ကော ဓမ္မော ဥပ္ပဇ္ဇတိ နဟေတုပစ္စယာ. (ဧဝံ ဆ ပဉှာ ကာတဗ္ဗာ အနုလောမသဒိသာ၊ အဟေတုကာတိ နိယာမေတဗ္ဗာ၊ တီဏိယေဝ၊ မောဟော ဥဒ္ဓရိတဗ္ဗော.)

နဟေတုယာ ဆ၊ နအဓိပတိယာ ဆ၊ နပုရေဇာတေ ဆ၊ နပစ္ဆာဇာတေ ဆ၊ နအာသေဝနေ ဆ၊ နကမ္မေ စတ္တာရိ၊ နဝိပါကေ ဆ၊ နဈာနေ ဧကံ၊ နမဂ္ဂေ ဆ၊ နဝိပ္ပယုတ္တေ ဆ.

ပစ္စနီယံ.